Македонското Монтесори Здружение потпиша меморандум за соработка со Општина Карпош. Меморандумот предвидува взаемна соработка на следните полиња:

• Организирање на обуки, работилници, семинари за стручна поддршка на образовниот кадар во Детските градинки и Основните училишта;

• Организирање на работилници за родители;
• Размена на мислења;
• Импелемнтација на проекти - експертиза и размена на искуства 

Во следните месеци ќе се реализира проектот „Монтесори за деца и родители“ што предвидува набавка на материјалите од областа на Практичниот живот од Монтесори педагогијата, за три групи од секој клон од Детските градинки на територија на Општина Карпош; организирање Родителски вечери на кои што ќе се дискутира со родителите за воспитувањето и поддршката на развојот на своите деца и организирање на Монтесори Отворени Викенди кога жителите на Општината ќе можат да го посетат Монтесори центарот и да се запознаат со неговата работа.

Секоја сабота од 10.00 до 14.00 часот. Работилниците се наменети за деца од 3 до 10 години. Пријавувањето е преку порака на нашиот facebook профил, на нашиот mail: montessori.macedonia@yahoo.com или на тел: 077 577 491. Во пораката наведете го името и презимето на детето и неговата возраст. Бројот на деца е ограничен.
Ова полугодие децата ќе се запознаат со географските, историските и културните одбележја на неколку европски земји. Животот на децата и возрасните, детските игри, обичаите, карактеристичната храна и облека. Конкретната програма за секоја работилница се објавува секоја седмица на нашиот facebook профил

РЕЖИМ НА ДЕНОТ 
- 10.00 -10.30 часот – Прифаќање на децата
- 10.30 – 12.30 часот – Планирана активност
(Работа во Монтесори училница; Прошетки и посети; Излети; Кративна работилница)
- 12.30 - 13.30 часот – Подготовка на ужинка и ужинка
- 13.30 – 14.00 часот - Испраќање на децата

Ве молиме да ги носите децата најкасно до 10.30 часот. Ако сепак пристигнете после 10.30 Ве молиме да не влегувате во училницата или да се задржувате во ходникот. Тоа ја попречува активноста на децата.
Прифаќањето и испраќањето на децата мора да бидат направено од страна на Монтесори педагозите. Ве молиме да не го правите тоа без најава. Грижата на нашите воспитувачи е секогаш насочена кон децата, затоа Ве молиме Вие погрижете се за што децата донеле од дома.
Монтесори пристапот им овозможува на децата да бидат постојано во активен однос со околината и да бидат вклучени во разни активности. Во текот на активностите децата може да ја извалкат својата облека затоа Ве молиме понесете им  резервна облека и чисти обувки за во Монтесори училницата.
Кај децата сакаме да ја развиеме навиката за здрава исхрана, затоа ужинката секогаш ќе биде свежо, сезонско овошје. Овошјето ќе го набавуваме заедно со децата од блиското пазарче или пиљара и потоа заедно ќе подготвуваме овошна салата.
Ве молиме да не им дозолувате на децата да носат бонбони, чоколада, мастики, грицки, газирани пијалоци или други благи работи.