Врз основа на Договор за грант бр. 22/2021, а во рамките на Проектот за развој на социјални услуги, склучен помеѓу МИНИСТЕРСТВО ЗА ТРУД И СОЦИЈАЛНА ПОЛИТИКА НА СЕВЕРНА МАКЕДОНИЈА, ОПШТИНА КАРПОШ  и МАКЕДОНСКОТО МОНТЕСОРИ ЗДРУЖЕНИЕ како ДАВАТЕЛ НА УСЛУГА /ПРОВАЈДЕР, Македонското Монтесори Здужение објавува

ЈАВЕН ПОВИК

за ангажирање на стручни лица – обучувачи за реализација на обуки на следната тема:

1. Воведна обука за Монтесори педагогија – 2 обучувачи

Апликаните е потребно да ги исполнуваат следните услови:

1. Да имаат завршено високо образование, Дипломиран дефектолог
2. Најмалку 15 години искуство во работа со деца/лица со попреченост
3. Завршена Воведна обука за Монтесори педагогија
4. Претходно искуство во подготовка и реализација на обуки за стручна поддршка на деца/лица со попреченост на темата за која аплицираат

Заинтересираните кандидати потребно е да достават:

1. Кратка биографија
2. Финансиска понуда

Потребната документација треба да се достави на електронската поштаmontessori.macedonia@yahoo.com, најдоцна до 23.05.2022 година.

Согласно предвидените активности во рамките на меѓународниот проект ЕРАЗМУС + „Развој на компетенциите на рефлексивни практичари за процесот на транзиција помеѓу градинките и училиштата“, во кој Македонското Монтесори Здружение е една од партнер организациите, на 05.05.2022 година беше реализиран работен состанок со Раководителот на Секторот за дејности од јавен интерес од Општина Карпош и Директорките на ООУ „Вера Циривири Трена“ и ЈУОДГ „Распеана Младост“.
Целта на состанокот беше презентација на Проектот и разгледување на можностите за соработка на Македонското Монтесори Здружение со ООУ „Вера Циривири Трена“ и ЈУОДГ „Распеана Младост“ во рамките на предвидените проектни активности.

Во насока на воспоставување и подобрување на соработката помеѓу градинките и училиштата од локалната заедница во наредниот период ќе се реализираат повеќе активности:

• Потпишување на Меморандум за соработка;
• Формирање на Стручен актив на воспитувачи и наставници;
• Спроведување на акциони истражувања поврзани со рефлексија на практиката во градинката и училиштето насочени кон подобро меѓусебно запознавање на двата степена на образование и адаптација за премин на децата од едно во друго ниво;
• Организирање континуирани заеднички активности за децата и родителите.

Согласно договореното на првичниот состанок, на 13.05.2022 година беше потпишан Меморандум за соработка помеѓу: ООУ „Вера Циривири Трена“, ЈУОДГ „Распеана Младост“ и Центарот за ран детски развој „М- Едукативен центар“, чиј основач е Македонското Монтесори Здружение.