Како дел од програмските активности на Македонското Монтесори Здружение, овој месец заврши уште еден циклус на Воведна обука за Монтесори падагогија.
На завршната сесија М.П. (психолог) истакна „Длабочината и широчината на наставната програма обезбедија темелно разбирање на филозофијата на Монтесори, од нејзините историски корени до нејзината практична примена во училницата. Практичната обука со материјалите на Монтесори беше особено вредна, што ми овозможи од прва рака да видам како овие алатки го олеснуваат учењето преку истражување и откривање. Понатаму, акцентот на техниките за набљудување ме опреми со вештини за поефективно разбирање и одговор на индивидуалните потреби на децата. Програмата не само што ги исполни, туку и ги надмина моите очекувања, обезбедувајќи цврста основа за имплементација на принципите на Монтесори во наставна практика.“

На наше големо задоволство изминатата седмица бевме посетени од г-ѓа Габи Штефан, Монтесори експерт од Германското Монтесори Здружение. Г-ѓа Габи Штефан е еден од трите експерти кои беа ангажирани од германска влада со цел поддршка за осовременување на системот на детска заштита во РМ и во 2003 година ја започнаа обуката за Монтесори педагогија. Таа е долгогодишен следбеник и поддржувач на активностите на Македонското Монтесори Здружение и пред се советник во практикувањето на  Монтесори педагогијата. 
По неколкудневната опсервација во групите и дискусијата со вработените таа даде позитивно мислење за нашата работа што за нас е потврда за обезбедениот квалитет.

Во насока на обезбедување квалитетни и достапни социјални услуги во заедницата изминатиот период, 11 Граѓански организации (СОС ДЕТСКО СЕЛО; Хуманост; Хера, Македонското Монтесори Здружение, Порака – Неготино, Кризен Центар Надеж, Отворена Порта, ХОПС, Инклузива,  Здружение на лица со церебрална парализа и други попречености- Велес и КРИК) кои се лиценцирани даватели на социјални услуги работеа на формирање на „Мрежа на даватели на социјални услуги’’.  
На 17-ти Јануари во просториите на Едукативниот центар М6, се одржа презентација на иницијативата за формирање на мрежата. Настанот го поддржаа и високи претставници на меѓународни институции, како Г-нот Steffen Hudolin Head of Cooperation in the EU Delegation to North Macedonia, Г-ѓа Росана Дуџиак постојан координатор на ОН во С. Македонија и  Г-нот Харолд Фугер , Аташе за социјални прашања на Австриското Министерство за социјални прашања, здравство, грижа и заштита на потрошувачите, кои учествуваа во панел дискусијата и им дадоа поддршка на граѓанските организации за остварување на оваа идеја.
Сите присутни организации го поддржаа формирањето на мрежата и ја истакнаа важноста од зајакнато, заедничко делување и влијание во интерес на ранливите категории кои ги подржуваат.

Следејќи ги глобалните текови за развој и зачувување на културната традиција и одбележувањето на 20 години од донесувањето на Конвенцијата за заштита на нематеријалното културно наследство, од страна на УНЕСКО https://ich.unesco.org/en/anniversary, Македонското Монтесори Здружение и Монтесори центарот развија програма за децата на предучилишна возраст која има за цел развој на свест и почит кон нематријалното културно наследство во светот.
Во програмата особено внимание се обрна на запознавање со македонското нематријално културно наследство.
Благодарение на учениците од Насоката за традиционална музика и игра, при ДМБУЦ"Илија Николовски-Луј", деца од Монтесори центарот се запознаа со народни инструменти, свадбената носија од Скопска блатија, шеговитата народна песна ,,Зајко кукурајко’’.
Сите заедно го заиграа „Зајачкото оро“ и ја „замесија првата погача од невестата во куќата на момчето“. 
Благодарност до Директорката на ДМБУЦ"Илија Николовски-Луј", м-р Даница Стојанова, наставниот кадар и учениците

Монтесори центарот е регистриран Центар за ран детски развој кој им овозможува на децата да ги развијат своите потенцијали до максимум, во согласност со сопствениот развоен ритам. Следејќи ги Монтесори принципите, на децата им овозможуваме развој на нивните когнитивни, социјални и емоционални вештини и компетенции.
Подготвената околина со Монтесори материјали и обучениот кадар го водат детето кон развој на самодоверба и сигурност во своите потенцијали, но и високо ниво на свест за потребите на другите.

Групите се наменети за деца од 3 до 6 години.

ПОПЛАДНЕВНА ПРОГРАМА
      - Вторник и Среда од 17.30 до 19.30 часот

ИНДИВИДУАЛНА РАБОТА
      -  Индивидуална работа со деца со потешкотии во развојот на возраст од 2 до 10 години

Дополнителни информации секој ден после 16.00 часот на следните телефони:
 078 418 470 - Попладневна група
077 577 491 - Индивидуална работа

или на e-mail: [email protected]

Македонкото Монтесори Здружение е првото здружение на граѓани кое во рамките на Проектот за подобрување на социјалните услуги на МТСП и Светска банка, се лиценцираше како давател на социјалната услуга - Дневен центар за деца со попреченост за индивидуални третмани.
Овој центар се отвара благодарение на поддршката и добрата соработка со Општина Карпош.
Центарот е наменет за деца на возраст од 2 до 10 години и ќе биде фокусиран на давање индивидаулна поддршка со цел развој на потенцијалите на децата и вклучување во редовниот воспитно образовен систем, односно инклузирање во локалната градинка, локалното училиште заедно со своите другарчиња од соседството.

Во рамките на проектот „Развој на компетенциите на практичарите за транзициониот процес од градинка во училиште“, дел од Erasmus+ KA220 програмата, се реализираше завршната обука која имаше за цел запознавање со моделот на соработка на градинката со локалната заедница и родителите во Словенија.
Тргнувајки од законската поставеност до практичната реализација, домаќините од Vzgojno izobraževalni zavod- Vrtec Ormož, не запознаа со местото на градинката во општеството и соработката со сите институции, организации и приватниот сектор од локалната заедница. Особено значајно беше споделувањето од страна на стручни работници од Гимназијата Ормож кои ја презентираа програмата за едукација на профилот Асистент на воспитувачот.

Стручниот актив на Македонското Монтесори Здружение, ЈОУДГ „Распеана младост“ и ООУ „Вера Циривири Трена“ во рамките на меѓународниот ЕРАЗМУС+ проект „Развој на компетенциите на практичарите за процесот на транзиција помеѓу градинките и училиштата“ реализираше родителска средба на тема „Моето дете е ученик – што треба да знам?“.
Гостопримливите домаќини од ЈОУДГ „Распеана младост“ им овозможија на родителите на идните првачиња, а кои во моментот ја посетуваат градинката и Монтесори центарот да се запознаат со идните наставници, наставната програма и животото во училиштето. Низ плодната дискусија беа разрешени многу дилеми, одговорени прашања и дадени совети како родителите да го помогнат и поддржат процесот на премин од предучилишно кон основно образование на нивните деца.