Македонското Монтесори Здружение од Септември 2014 година продолжува да го реализира својот проект „Монтесори центар – учење за сите деца”. Во оваа учебна 2014/204 година во Монтесори центарот ќе се реализираат следните активности:

ПОПЛАДНЕВНА ПРОГРАМА

- Редовни Монтесори групи за деца од 3 до 6 години
- Креативни  работилници
- Музички работилници

ПРЕДПЛАДНЕВНА ПРОГРАМА
-  Предучилишни групи за деца од 3 до 6 години

ДОПОЛНИТЕЛНА ПРОГРАМА
- Мали училишни групи за помош во учењето за деца од 6 до 10 години
- Индивидуална поддршка на деца со потешкотии во учењето на возраст од 6 до 10 години
- Индивидуална и групна работа со деца со посебни потреби на возраст од 3 до 10 години

Редовните Монтесори групи функционираат во Понеделник, Вторник и Среда, во попладневните часови во период од 17:00 до 19:30 часот. Во овој период децата имаат 2 часа активности според Монтесори принципите во Подготвена околина.  Околината е подготвена со стандаризирани Монтесори материјали кои одговараат на различните развојни нивоа на децата во групата. Таа е динамична и се менува во согласност со различните интереси на децата.

Предучилишните групи функционираат секој ден, во предпладневните часови од 08.30 до 11.30 и од 12.00 до 15.00 часот. Во овој период децата имаат 2 часа активности според Монтесори принципите во Подготвена околина и 1 час насочена активност.

Групите за деца на возраст од 3 до 6 години се состојат од максимум 15 деца.
Со секоја група работат 2 Монтесори педагози. 
ЗАБЕЛЕШКА: Подетални информации за Монтесори курикулумот и Монтесори материјалите може да добиете во делот Монтесори центар. 

Малите училишни групи се состојат од максимум 5 деца и функционираат секој ден од 10:00 до 16:00 часот. Во овој период децата ќе имаат 2 часа помош во учењето.

Индивидуалната работа со децата се реализира во периодот од 10:00 до 19:00 часот.

Кративните работилици се реализираат секој Четврток од 17.00 до 19. часот и се наменети за деца од 4 до 10 години.

Музичките работилици се реализираат секој Петок од 17.00 до 19. часот и се наменети за деца од 4 до 10 години.

Родителски тематски вечери се организираат на секои 2 месеци. Целта на работилниците и да им се помогне на родителите во извршувањето на најтешката професија - родител, преку предавања и дискусии на разни теми од областа на воспитанието и образованието. Овие вечери се организираат според интересот на родителите.

Персоналот во Монтесори центарот се состои од педагози, развојни психолози и дефектолози со долгогодишно практично искуство кои дополнително имаат 2 и 4 годишна обука за Монтесори педагогијата и се стекнати со Лиценца за работа со деца издадена од МТСП.

    Претставници на Македонското Монтесори Здружение остварија работна посета на Меѓународниот фестивал за социјална инклузија ,,Играј со мене‘‘ во Љубљана.
     Целта на фестивалот е социјална инклузија на лицата со посебни потреби и вклучува низа активности кои овозможуваат спонатана игра, работа и дружење на деца и лица на различна возраст, со и без посебни потреби.
     За време на пристуството на фестивалот бевме активни учесници во активностите организирани и изведувани на Конгресниот плоштад во Љубљана.
      Благодарение на досегашната соработка на Македонското Монтесори Здружение и Друштвото за социјална инклузија од Љубљана се создадоа услови претставници од Словенија да ја возвратат посетата во Македонија и подетално да разговараме за состојбата на образовна и пред се социјална инклузија на лицата со посебни потреби во нашите две земји.