Македонското Монтесори Здружение беше дел од истражувачкиот тим на студијата „Од бројки кон практика – идентификување и анализа на показателите поврзани со квалитетот на наставниот процес во основното образование во Македонија“. Студијата е дел од проектот FISCAST+: Фискална транспарантност и одговорност ги подобрува политиките во областите на квалитет на живот, образование и здравство, кој е во реализиција на Finance Think Институтот за економски истражувања и политики, а во поддршка на Британската Амбасада во Р. Македонија. Резутатите од студијата беа презентирани на Тркалезна маса под наслов: „Петки во дневник – единици на ПИСА: Пет приоритети за подобрување на квалитетот на основното образование“ која се оддржа на 07.09.2017 во хотел Мериот - Скопје.
Истражувањето имаше за задача преку регресивна анализа да ги идентификува факторите кои се поврзани со постигнувањата на учениците. Потоа, преку теренско истражување да ги испита ставовите на наставниците и учениците во поглед на факторите што се утврдени како најзначајно поврзани со постигнувањата на учениците на тестирањето на ПИСА 2015 година и да понуди препораки до конкретни чинители во образовниот систем за надминување на проблемите забележани со анализата. Истражувањето се реализираше во периодот од март до јуни 2017 година. Во теренското истражување беа вклучени 248 наставници од 10 училишта (од урбана и рурална средина) и 12 фокус групи со ученици од деветто одделение.
Резултатите и препораките од истражувањето се:
- Во училиштата во Р. Македонија сѐ уште доминантно се користени традиционалните методи на настава, каде што наставникот е пренесувач на знаењето, а учениците се пасивни приматели;
- Користењето методи на дискусија, дебата и слични методи кои поттикнуваат развивање критично мислење, води кои подобри постигнувања на учениците;
- Во текот на наставата треба да се користат методи што стимулираат дискусии, развој на концепти и на идеи, треба да се користат нагледни средства за демонстрирање на функционирањето на природните појави и да постои постојана проверка дали и колку учениците го разбрале материјалот;
- Потребно е ревидирање на наставните програми;
- Потребна е анализа на учебниците;
- За постигнување на високи резултати, особено е значајно кај учениците да се одржува висока внатрешна мотивација за учење. При развивањето на образовните реформи, треба да се води грижа тие да се насочени кон развивање внатрешна мотивација за учење, т.е. ‘учење заради знаење’ наспроти ‘учење заради оценка’;
- Потребно е поголемо вклучување на училишниот кадар во процесот на креирање образовна политика и нивно учество во донесувањето одлуки што се однесуваат на иновации во наставата;
- На наставниците им се неопходни дополнителни обуки од различни области (за наставните програми, за засилување на вештините за мотивирање на учениците, за користење современи методи во наставата) со цел подобрување на наставниот процес.
Д-р Весна Костиќ Ивановиќ, членот на Македонското Монтесори Здружение која беше дел од истражувачкиот тим истакна дека се надева дека МОН ќе ги искористи резултатите од оваа студија при креирањето на образовните политики кои се однесуваат на основното образование во Р. Македонија. На учениците потребно е да им се обезбедат образовни услови во кои тие ќе го развиваат критичното мислење и интересот за научно пристапување кон разгледување на информациите, а образовните политики треба да бидат насочени кон поттикнување на внатрешната мотивација кај учениците.
Резултатите и препораките од истражувањето се:
- Во училиштата во Р. Македонија сѐ уште доминантно се користени традиционалните методи на настава, каде што наставникот е пренесувач на знаењето, а учениците се пасивни приматели;
- Користењето методи на дискусија, дебата и слични методи кои поттикнуваат развивање критично мислење, води кои подобри постигнувања на учениците;
- Во текот на наставата треба да се користат методи што стимулираат дискусии, развој на концепти и на идеи, треба да се користат нагледни средства за демонстрирање на функционирањето на природните појави и да постои постојана проверка дали и колку учениците го разбрале материјалот;
- Потребно е ревидирање на наставните програми;
- Потребна е анализа на учебниците;
- За постигнување на високи резултати, особено е значајно кај учениците да се одржува висока внатрешна мотивација за учење. При развивањето на образовните реформи, треба да се води грижа тие да се насочени кон развивање внатрешна мотивација за учење, т.е. ‘учење заради знаење’ наспроти ‘учење заради оценка’;
- Потребно е поголемо вклучување на училишниот кадар во процесот на креирање образовна политика и нивно учество во донесувањето одлуки што се однесуваат на иновации во наставата;
- На наставниците им се неопходни дополнителни обуки од различни области (за наставните програми, за засилување на вештините за мотивирање на учениците, за користење современи методи во наставата) со цел подобрување на наставниот процес.
Д-р Весна Костиќ Ивановиќ, членот на Македонското Монтесори Здружение која беше дел од истражувачкиот тим истакна дека се надева дека МОН ќе ги искористи резултатите од оваа студија при креирањето на образовните политики кои се однесуваат на основното образование во Р. Македонија. На учениците потребно е да им се обезбедат образовни услови во кои тие ќе го развиваат критичното мислење и интересот за научно пристапување кон разгледување на информациите, а образовните политики треба да бидат насочени кон поттикнување на внатрешната мотивација кај учениците.
RSS Feed
